ຜົນຕອບແທນຈາກພາສີແບບງ່າຍດາຍທີ່ຄອບຄຸມ MyFreeTaxes ຂອງຂ້ອຍລວມມີ: ລາຍຮັບ W-2 Income, ດອກເບ້ຍລາຍຮັບຈຳກັດ, ລາຍຮັບເງິນປັນຜົນ, ຄ່າໃຊ້ຈ່າຍການສຶກສາຂອງນັກຮຽນ, ລາຍຮັບຈາກການຫວ່າງງານ, ເງິນກູ້ເພື່ອການສຶກສາ, ດອກເບ້ຍເງິນກູ້ນັກຮຽນ, ການຂໍຮັບການຫັກເງິນມາດຕະຖານ, ໜີ້ພາສີລາຍຮັບຈາກການເຮັດວຽກ, ໜີ້ພາສີເດັກ ແລະ ຄ່າໃຊ້ຈ່າຍເບິ່ງແຍງດູແລຜູ້ຢູ່ເພິ່ງພາອາໄສ ແລະ ເດັກ. ສາມາດເບິ່ງລາຍການຂອງຟອມທັງໝົດໄດ້ທີ່ນີ້: MyFreeTaxes.com/Support

ການຂໍເງິນຄືນຈຳນວນຫຼາຍແມ່ນໂດຍປົກກະຕິຢູ່ໃນຂອບເຂດ ແລະ ບໍ່ເສຍຄ່າທີ່ສູນພາສີຂອງພວກເຮົາ, ບໍ່ລວມເອົາຊອບແວບໍ່ເສຍຄ່າທັງໝົດຕົວຢ່າງເຊັ່ນ: ລາຍຮັບຈາກການເປັນນາຍຕົນເອງ (1099-MISC), ດອກເບ້ຍຈຳນຳ, ພາສີອະສັງຫາລິມມະຊັບ, ການຫັກເງິນອື່ນໆ, ການຈ່າຍເງິນຂອງບຸກຄົນທາງນອກ (1099-K), HSA ແລະ ອື່ນໆອີກຫຼາຍຢ່າງ.  ຖ້າຫາກທ່ານມີຟອມພາສີເຫຼົ່ານີ້, ທ່ານຈະຕ້ອງໄດ້ຈ່າຍເງິນການຍົກລະດັບເພື່ອຍື່ນເອກະສານກັບລະບົບນີ້. ແນວໃດກໍ່ຕາມ, ທ່ານຈະໄດ້ຮັບການຫຼຸດລາຄາ, ຖ້າຫາກໃຊ້ MyFreeTaxes.com. ສາມາດເບິ່ງລາຍການຂອງສິ່ງທີ່ມີຢູ່ຊອບແວບໍ່ເສຍຄ່າໄດ້ທີ່ MyFreeTaxes.com/Support

ທ່ານສາມາດສຳຫຼວດເບິ່ງຕົວເລືອກຕ່າງໆດັ່ງຕໍ່ໄປນີ້:

• ກະກຽມພາສີແບບອອນລາຍແບບບໍ່ເສຍຄ່າກັບຜູ້ຊ່ຽວຊານດ້ານພາສີຂອງພວກເຮົາ: ກະກຽມພາສີຂອງທ່ານທາງອອນລາຍໂດຍທີມຜູ້ຊ່ຽວຊານດ້ານການກະກຽມພາສີແບບບໍ່ເສຍຄ່າຂອງພວກເຮົາ. ເລື່ອນລົງມາທາງລຸ່ມຂອງໜ້ານີ້ເພື່ອເບິ່ງຂໍ້ມູນເພີ່ມເຕີມໃນຕົວເລືອກ org .
• ການຍື່ນເອກະສານອອນລາຍ: ທ່ານສາມາດເບິ່ງເຄື່ອງມືການຍື່ນເອກະສານແບບບໍ່ເສຍຄ່າເພີ່ມເຕີມຜ່ານທາງໂປຣແກຣມ IRS Free File (ໂປຣແກຣມໄຟລ໌ບໍ່ເສຍຄ່າໄອອາເອັສ) ໄດ້. ເຂົ້າເບິ່ງ gov/FreeFile ສຳລັບຂໍ້ມູນເພີ່ມເຕີມ ແລະ ລາຍລະອຽດ.

ທ່ານຕ້ອງມີ:

• ທີ່ຢູ່ອີເມວເພື່ອສ້າງບັນຊີ
• AGI ທີ່ຖືກຕ້ອງຂອງທ່ານຈາກແຖວທີ 7 ໃນແບບຟອມ 1040 ຂອງຜົນຕອບແທນພາສີປີ 2019 ຂອງທ່ານ (ເພື່ອຢືນຢັນຕົວຕົນ)
• SSN ສຳລັບທຸກຄົນໃນຜົນຕອບແທນ
• ເອກະສານກ່ຽວກັບພາສີທັງໝົດ
• ບັນຊີທະນາຄານ ແລະ ເລກເສັ້ນທາງ (ສຳລັບການຝາກເງິນ/ຖອນເງິນໂດຍກົງ)

ທ່ານສາມາດເບິ່ງໄດ້ທີ່ແຖວທີ 7 ຂອງຜົນຕອບແທນປີ 2019, ຖ້າຫາກທ່ານຍັງມີສຳເນົາຜົນຕອບແທນຂອງທ່ານ. ຖ້າຫາກປີກກາຍນີ້ທ່ານຍື່ນເອກະສານພາສີຂອງທ່ານຢູ່ບ່ອນ​ກະ​ກຽມ​ບໍ່​ເສຍ​ພາ​ສີ​ຂອງ United Way of King County, ສົ່ງອີເມວຫາ freetax@uwkc.org ແລະ ໃສ່ເບີໂທລະສັບຂອງທ່ານເພື່ອທີ່ພວກເຮົາສາມາດໃຫ້ສຳເນົາການຂໍຄືນຂອງປີກາຍໃຫ້ແກ່ທ່ານໄດ້. ຖ້າຫາກປີກາຍນີ້ທ່ານບໍ່ໄດ້ຍື່ນເອກະສານກັບພວກເຮົາ, IRS.gov/get-transcript ສາມາດຊ່ວຍທານຂໍສຳເນົາເອກະສານການຂໍຄືນຂອງປີກາຍໄດ້.

ຖ້າຫາກທ່ານຕ້ອງການຄວາມຊ່ວຍເຫຼືອ ຫຼື ການສະໜັບສະໜູນ, ທ່ານສາມາດໃຫ້ທີມຊ່ຽວຊານດ້ານການກະກຽມພາສີແບບບໍ່ເສຍຄ່າໃນທ້ອງຖິ່ນຂອງພວກເຮົາຕື່ມເອກກະສານພາສີທາງອອນລາຍຜ່ານລະບົບການນັດໝາຍຂອງພວກເຮົາ, ເລື່ອນລົງໄປທາງລຸ່ມຂອງໜ້ານີ້ເພື່ອເບິ່ງຂໍ້ມູນເພີ່ມເຕີມກ່ຽວກັບຕົວເລືອກ GetYourRefund.org .

ໜ້າເສຍດາຍ, United Way of King County ບໍ່ສາມາດປ້ອນຂໍ້ມູນ ແລະ ເອກະສານພາສີຂອງທ່ານໃສ່ໃນ MyFreeTaxes.com ໃນນາມຂອງທ່ານໄດ້. ຖ້າຫາກທ່ານສົນໃຈໃຫ້ທີມຜູ້ຊ່ຽວຊານກະກຽມພາສີແບບບໍ່ເສຍຄ່າໃນທ້ອງຖິ່ນດຳເນີນການເລື່ອງພາສີຂອງທ່ານໂດຍຜ່ານລະບົບການນັດໝາຍຂອງພວກເຮົາ, ເລື່ອນລົງມາທາງລຸ່ມຂອງໜ້ານີ້ເພື່ອເບິ່ງຂໍ້ມູນເພີ່ມເຕີມໃນຕົວເລືອກ GetYourRefund.org.

ໃຜກໍ່ຕາມທີ່ມີລາຍຮັບຕ່ຳກວ່າ $72,000 ສາມາດຍື່ນໄດ້ບໍ່ເສຍຄ່າໂດຍນຳໃຊ້ໂປຣແກຣມ IRS Free File.

GetYourRefund.org ເຮັດໃຫ້ການຕື່ມເອກະສານພາສີທາງອອນລາຍຂອງທ່ານງ່າຍໄດ້ໂດຍຜ່ານຂັ້ນຕອນງ່າຍໆດັ່ງນີ້:

1. ສຳລັບການກະກຽມພາສີທາງອອນລາຍແບບບໍ່ເສຍຄ່າ, ຄລິກທີ່ “ຍື່ນເອກະສານກັບ GetYourRefund (ຮັບ​ການ​ສົ່ງ​ເງິນ​ຄືນ​ຂອງ​ທ່ານ)”.
2. ສ້າງໂປຣຟາຍ GetYourRefund ຂອງທ່ານ, ຕອບຄຳຖາມ ແລະ ອັບໂຫຼດຮູບເອກະສານພາສີຂອງທ່ານ.
3. ເຮັດການນັດໝາຍ.
4. ໃນໄລຍະການນັດໝາຍຂອງທ່ານ:

• ທ່ານຈະໄດ້ຮັບໂທລະສັບຈາກຜູ້ຊ່ຽວຊານດ້ານພາສີຂອງພວກເຮົາ.
• ຜູ້ຊ່ຽວຊານຂອງພວກເຮົາຈະຕື່ມເອກະສານການຂໍຄືນເງິນຜົນຕອບແທນຂອງທ່ານ.
• ທ່ານຈະໄດ້ຮັບໂທລະສັບຄັ້ງທີສອງຈາກຜູ້ຊ່ຽວຊານດ້ານພາສີຂອງພວກເຮົາເພື່ອກວດສອບ ແລະ ຕື່ມເອກະສານຂໍຄືນເງິນຜົນຕອບແທນຂອງທ່ານ.

5. ເຊັນເອກະສານຂໍເງິນຜົນຕອບແທນຄືນທີ່ຕື່ມແລ້ວທາງອີເມວ.

United Way ແມ່ນຜູ້ໃຫ້ໂອກາດຢ່າງເທົ່າທຽມ ແລະ ໃຜກໍຕາມທີ່ຢູ່ໃນວໍຊິງຕັນແມ່ນສາມາດເຂົ້າເຖິງບໍລິການກະກຽມບໍ່ເສຍພ​ພາ​ສີຂອງ United Way ໄດ້. ແນວໃດກໍ່ຕາມ, ເອກະສານການຂໍຄືນເງິນຜົນຕອບແທນບາງຢ່າງແມ່ນຊັບຊ້ອນເກີນໄປສຳລັບອາສາສະໝັກຂອງພວກເຮົາ. ຕົວຢ່າງເຊັ່ນ: ພວກເຮົາບໍ່ສາມາດກະກຽມເອກະສານຂໍເງິນຄືນຜົນຕອບແທນສຳລັບລາຍຮັບທີ່ຢູ່ໃນລັດອື່ນ.

ພວກເຮົາໄດ້ຫຸ້ນສ່ວນກັບ Express Credit Union ເພື່ອດຳເນີນການຂໍເງິນຜົນຕອບແທນຄືນດ້ວຍ Individual Taxpayer Identification Number (ໝາຍ​ເລກ​ລະ​ບຸ​ຕົວ​ຜູ້​ເສຍ​ພາ​ສີ​ບຸກ​ຄົນ, ITIN) ແລະ ຈະສະເໜີໃຫ້ການສະໝັກ​ຂໍ Individual Taxpayer Identification Number (ໝາຍ​ເລກ​ລະ​ບຸ​ຕົວ​ຜູ້​ເສຍ​ພາ​ສີ​ບຸກ​ຄົນ, ITIN) ແບບບໍ່ເສຍຄ່າ ແລະ ການຂໍເຮັດຄືນໃໝ່ຜ່ານ Express Credit Union.

ນີ້ແມ່ນບໍລິການທີ່ພວກເຮົາບໍ່ມີໃຫ້:

• ການຂໍເງິນຄືນຈາກລັດ (ລັດວໍຊິງຕັນບໍ່ມີພາສີລາຍຮັບຈາກລັດ, ສະນັ້ນບໍ່ຈຳເປັນຕ້ອງມີການຂໍເງິນຜົນຕອບແທນຄືນ. ຖ້າຫາກທ່ານໄດ້ເຮັດວຽກຢູ່ໃນລັດທີ່ຕ້ອງການການຂໍເງິນຜົນຕອບແທນຄືນຈາກລັດ, ທ່ານສາມາດໃຊ້ com ເພື່ອຍື່ນເອກະສານແບບບໍ່ເສຍຄ່າ).
• ຖ້າຫາກທ່ານມີ 1099-B (ລາຍໄດ້ຈາກນາຍໜ້າ, ຖ້າຫາກທ່ານຊື້/ຂາຍຫຸ້ນ).
• ຖ້າຫາກທ່ານຂາຍເຮືອນຂອງທ່ານ ຫຼື ຖ້າຫາກມັນຖືກຍຶດ.
• ຖ້າຫາກທ່ານໄດ້ຮັບລາຍໄດ້ຈາກຄ່າເຊົ່າ.
• ຖ້າຫາກທ່ານເປັນນາຍຕົນເອງ ແລະ ຄ່າໃຊ້ຈ່າຍຫຼາຍກວ່າ $25,000, ຫຼຸດທຶນ ຫຼື ຕ້ອງການຫັກເງິນການໃຊ້ເຮືອນຂອງທ່ານເປັນການໃຊ້ຈ່າຍທາງທຸລະກິດ.
• ຖ້າຫາກທ່ານເປັນຫຸ້ນສ່ວນພາຍໃນປະເທດທີ່ໄດ້ລົງທະບຽນ.

GetYourRefund.org ແມ່ນມີໃຫ້ສຳລັບມືຖື, ແທັບເລັດ ແລະ ຄອມພິວເຕີ. ພວກເຮົາພົບວ່າຄົນສ່ວນໃຫຍ່ສາມາດຕອບຄຳຖາມ ແລະ ຜ່ານມັນໄປໄດ້ຢ່າງງ່າຍດາຍ. ທ່ານຕ້ອງມີ:

• ທີ່ຢູ່ອີເມວເພື່ອສ້າງບັນຊີ
• ຮູບບັດປະຈຳຕົວ (ແລະ ໃຜກໍ່ຕາມໃນການຂໍເງິນຜົນຕອບແທນຄືນ)
• ຮູບຖ່າຍຕົນເອງທີ່ຖືບັດປະຈຳຕົວຂອງທ່ານ
• ບັດປະກັນສັງຄົມ ຫຼື ບັດ ITIN (ແລະ ໃຜກໍ່ຕາມໃນການຂໍເງິນຜົນຕອບແທນຄືນ)
• ເອກະສານກ່ຽວກັບພາສີທັງໝົດ
• ບັນຊີທະນາຄານ ແລະ ເລກເສັ້ນທາງ (ຕົວເລືອກ, ສຳລັບການຝາກເງິນ/ຖອນເງິນໂດຍກົງ)

ກະລຸນາຈື່ໄວ້ວ່າ: IRS, GetYourRefund.org, United Way of King County ແລະ ຫຸ້ນສ່ວນແຫ່ງຊາດໄດ້ເຮັດວຽກຮ່ວມກັນເພື່ອອັບເດດທີ່ສຳຄັນກ່ຽວກັບຫຼັກການປະຕິບັດຄວາມປອດໄພ ແລະ ຂໍ້ກຳນົດສຳລັບການກະກຽມພາສີທາງອອນລາຍ.

ມີຮຸບແບບການສົ່ງຂໍ້ຄວາມໃນໜ້ານີ້ທີ່ພະນັກງານຊ່ວຍເຫຼືອລູກຄ້າຂອງ United Way of King County ພ້ອມໃຫ້ບໍລິກການເພື່ອຕອບຄຳຖາມ.

ກົດທີ່ສັນຍະລັກການແຊັດສົ່ງຂໍ້ຄວາມໃນນເວັບເພຈນີ້ ແລະ ຈະມີຄົນທີ່ສາມາດຊ່ວຍທ່ານໄດ້.

ນອກເໜືອຈາກນັ້ນ, ຍັງມີພະນັກງານຊ່ວຍເຫຼືອລູກຄ້າໃນຮູບແບບເວັບໄຊຂອງ GetYourRefund.org. ທ່ານຍັງສາມາດສົ່ງອີເມວຫາ Hello@GetYourRefund.org ສຳລັບຄວາມຊ່ວຍເຫຼືອເພີ່ມເຕີມ.

ພາຍໃຕ້ Coronavirus Aid, Relief, and Economic Security Act (ກົດໝາຍການຊ່ວຍເຫຼືອຈາກໂຄໂລນນ່າໄວຣັສ, ການບັນເທົາທຸກ ແລະ ຄວາມໝັ້ນຄົງທາງເສດຖະກິດ, CARES), ຜູ້ຈ່າຍພາສີທີ່ມີສິດທີ່ໄດ້ຍື່ນຂໍເງິນຄືນຈາກພາສີສຳລັບປີ 2019 ຫຼື 2018 ຈະໄດ້ຮັບເງິນຜົນກະທົບທາງເສດຖະກິດໂດຍອັດຕະໂນມັດສູງສຸດຮອດ $1,200 ສຳລັບບຸກຄົນ ຫຼື $2,400 ສຳລັບຄູ່ແຕ່ງງານ ແລະ ສູງສຸດຮອດ $500 ສຳລັບເດັກນ້ອຍແຕ່ລະຄົນທີ່ມີສິດ. ສຳລັບຜູ້ຈ່າຍພາສີບາງຄົນທີ່ປົກກະຕິບໍ່ໄດ້ຍື່ນການຂໍເງິນຄືນຈະຕ້ອງໄດ້ຍື່ນເອກະສານຂໍເງິນຄືນຈາກພາສີແບບງງ່າຍດາຍເພື່ອໃຫ້ໄດ້ຮັບເງິນຜົນກະທົບທາງເສດຖະກິດ.

ເງິນຜົນກະທົບທາງເສດຖະກິດເພີ່ມເຕີມໄດ້ແຈກຢາຍໃນຕົ້ນປີ 2021 ເປັນຈຳນວນ $600 ສຳລັບບຸກຄົນ ຫຼື $1,200 ສຳລັບຄູ່ແຕ່ງງານ ແລະ ສູງສຸດຮອດ $600 ສຳລັບເດັກນ້ອຍແຕ່ລະຄົນທີ່ມີສິດ. ຄົວເຮືອນທີ່ມີສະຖານະປະສົມປັດຈຸບັນແມ່ນມີສິດສຳລັບເງິນຜົນກະທົບທາງເສດຖະກິດທັງສອງຢ່າງ.

ເຂົ້າເບິ່ງ IRS.gov/EIP ກ່ຽວກັບອັບເດດລ່າສຸດ.

ທ່ານຕ້ອງໄດ້ອັບເດດຂໍ້ມູນທະນາຄານຂອງທ່ານ ຫຼື ກວດສະຖານະເງິນຜົນກະທົບທາງເສດຖະກິດຂອງທ່ານຫຼືບໍ່? ໄປທີ່ IRS.gov/coronavirus/get-my-payment